今日大約1點係市中心會合我BB....
不過我並唔知道下一站去邊.....
對於呢個 <<很想和你在一起>>ge旅程....我一無所知
只係知道要跟住我呢3日2夜的導遊---->MR. BB
搭輕鐵去到銀座落車.....
原來我地去 嘉湖銀座酒店~~我真係唔知呢度有酒店~
Check-in~~BB先生話叫我坐係度等陣...故作神秘的~~~
攞左房...Wow...係套房....有個細廳、廚房同埋飯廳....
呢個時候....我仲未知道~~廚房的用意係用黎做咩
只係覺得好得意.....
3:00pm左右....BB話要離開我一陣....落一落去....但我就要乖乖留係房
唔知搞咩呢^^.......唯有乖乖留係度睇下電視....執下D野.....
BB上到黎....我地就出去lu....
BB話去元朗食炸雞.....噢....我都好掛住D炸雞
然後我就跟住BB行.....我以為係元朗行下街
不過~~行左黎呢個小巴站.....我就知道係睇日落....
很驚喜呀.....^^因為我冇諗過會睇日落
係車上面.....BB聽到一個妹妹不停咁講野.....
BB話好煩....仲係度傻笑......你呢個冇耐性GE人....
應該唔適合養地球上任何生物....
你話第時個女係咁ge話....就要我處理....
Ooh....睇黎都要....交比你的話....我驚個女會比你打死....
Wow去到lu~~好靚!!!
20歲最後的一個日落....有BB陪我過....
亦係我地第一次睇日落....
都係我第一次特登出去睇日落...
感覺好浪漫!!
感覺好浪漫!!
7:00pm睇完就搭返車出去......
我地去左銀座買d食糧...今晚返酒店叮叮.....
我仲好開心咁叫你買左雪條
之後....我地買埋 明早11:30的<<孤疑>>戲飛....
回程.....BB好好咁帶左部DVD機過黎.....
我地可以煲碟....
之前講左句想睇GE野....你果然一一安排~~
太開心.....
--------------------------------------------------------------------------
嘉儀21 之 燭光晚餐
Wow....終於到左呢日.....
不過.....好奇怪地...我唔會覺得今日好特別....
可能因為呢3日你都會陪住我啦....
所以27 28 定29 我已經覺得冇咩分別~~
睇完 <<孤疑>> 我地去食海天堂....
你話我好似好驚咁....全程捉到你好實....
咁我真係驚嘛.....你都知我次次睇呢d懸疑片都係咁.....
唔準再話我>_< 我就係鐘意捉實你睇
我地去左百街......
呢個時候...我先知....今晚我地食咩...
原來...我身邊ge BB會化身為廚師....
一陣有你煮的午餐....今晚有你煮的西餐....明早有你煮的早餐.....
一手一腳...由買送到完成...都係bb搞掂.....
雖然我地一齊買材料~~但你比左好多錯覺我....
我完全唔知你今晚想煮咩....
買完野...有件「送花事件」令我唔開心....
係我自己呷醋......同埋你講左個句....
雖然理性知道係冇心....但...我聽完好唔舒服....
本黎靜一陣我就會冇野....真的...呷下醋而已~
不過~你帶我選cake....我竟然因為咁....忍唔住衝入Toilet喊.....
再一次...sorry...我又冇講一聲就走左去....
但我忍唔到d眼淚...我唔想比人見到我咁醜.....
生日....你帶我去選cake....我好開心...因為意味住大家關係close左...
對我黎講...你預早買定比驚喜我....我會好開心...
個種開心...係因為你會花心思....
而呢種....係另一種開心....係一種好warm ge感覺....
就好似...一齊買送煮飯同出街食飯的分別~~
不過~呢個送花小插曲~~我冇再放係心上面....
你話左我知....佢地冇得同我比.....
我十分欣賞BB呢個調味柱......你真係好勁!!
你永遠...諗ge野同人地唔同...好有創意....
應該冇咩人會諗到用呢d放調味料
這是我們的午餐~~好好味....
食完休息左陣....睇左黃子華.....我地就去游水......
食完休息左陣....睇左黃子華.....我地就去游水......
第一次同你游水
你 '咩' 住我係水周圍去....我地好似連體咁....
你 '咩' 住我係水周圍去....我地好似連體咁....
好開心.....
你仲比我騎膊馬咁上返水....我地簡直當泳池d人死哂.....
7:00pm返到酒店~~我沖涼....你就整野食....
你話唔準偷影....不過我都係影左....哈哈!!!現場直擊
本黎你話叫我做Spa...點知full左...yoga又冇堂....
唔緊要啦...我睇下電視休息下.....
差唔多8:30時.....你要我入一入Toilet....我就估你係點燭光~~
當我心諗:「應該唔會有音樂啦.....呢d老套野你應該唔做」
點知.....音樂聲就響起.....英文情歌.....Ooh....係toilet已經有少少眼泛淚光.....
出到去.....歌聲轉左「愛很簡單」.......
食物好香......好浪漫~~
「愛很簡單」...真係好岩我地.....
同你一齊....我只有一個感覺....
愛 很簡單
我又喊.....第一次係你面前喊.....不過今次係感動到喊.....
感動你為我做咁多.....
好簡單的一餐....但好好味....真的好好味.....
我最中意雞亦同豬扒.....再一次.....你好有創意.....
激發起我想同你生仔....因為我地下一代應該會幾有藝術細胞
我呢個麻煩女人揀的cake....係tirimisu.....pick me up.....
我話想插21支....你話咁樣個cake就食唔到.....
我諗住算啦.....點知....你起勢咁係自己件cake度插.....
你話你唔食個尾就ok.......what a good man
生日禮物......
有一張自製的生日卡.....真係勁靚......
打開中間仲有個立體蛋糕.....上面仲有我地ge合照
好有心思同心機.....
謝謝你.....寶寶......
你送左隻鐵達時手錶比我....^^我會日日帶住.....
肥熊加入我地.....我勁開心......
整個生日.....我覺得....雖然簡單...冇咩特別好驚喜的活動.....
不過.....係我21年黎過得最舒服...最warm ge生日.....
睇住自己心態的轉變......
記得之前會中意一大班朋友....熱熱鬧鬧咁慶祝.....然後捧住一大堆禮物返屋企.....
前年開始唔中意大搞......反而想同d朋友一個個單獨食餐飯傾下計.....
今年.....沒有一大班朋友
沒有一大堆禮物
亦沒有很精彩的節目
更沒有豪華生日飯.....
不過~~~我反而中意呢種感覺.....簡簡單單的.....
呢3日你比左一個.....
5星級的「家」
5星級的早餐、午餐同晚餐我
因為....
There's no love like your love
And no other could give more love
呢幾日.....我覺得....細水長流ge愛情應該係咁.....
唔係用金錢、唔係用物質去堆砌出黎.....
而係大家用一個最真誠、最愛護對方ge心來表達
以前....我成日同你講Pick Me Up.....
我強調...因為我唔知你會唔會真係pick me up.....
亦因為我以前覺得
係呢個世界上.....No one can take me as I am take my life
但係....同你行到今日.....愈來愈覺得.....YOU CAN!!
You will do everything i want ......whatever it is
I LOVE YOU!!
-----------------------------------------------------------------------
嘉儀21之 捨不得你
一早起身....就煮好早餐我食....係你先做得到......
仲要係好好味...好豐富.......
我已經愛上左你煮的食物.....
OH.....第時我應該會成日要你煮我食......
真係好好味
食完我地就執好D野.....
HEE~~唔少得一張 全家福.......
我地係 「肥熊一族」
2:00PM check-out.....竟然落大雨...仲行雷....
BB話我好似小魔怪.....我唔淋得雨.....一淋就會變身....
由好隨和變到好炆薑......
哈哈!!!我中意呢個名.....小魔怪......
我地搭輕鐵去左元朗食炸雞同埋行左陣.....
再返屯門市中心....行下....食越棧.....
5:30pm你送我返到樓下.....
大家都好累.....
今晚冇你係身邊...我會好唔慣.....
3日2夜太短了....下次再長d......
我過左一個好豐富好溫暖好開心的生日!!!
多謝BB!!!
沒有留言:
張貼留言