我們的16個月

好快好快....我地步入16個月啦....十萬個感謝我BB.....((提早一日慶祝))

呢十六個月要受我的情緒不穩定所折磨.....

而我呢....除左燥底時不能自控.....其實係好愛你的.....

多謝BB送張卡比我...我好開心好驚喜!!!!冇諗過會有卡GA^V^

今日我地3點去到旺角小肥仔飲茶....我最中意同bb飲茶....

今日仲可以食到我闊別9年的灌湯餃.....

由於伯母星期2生日.....今日我們的任務係-->買禮物!!!

行去先施買衫...好多衫岩你媽媽....不過d sale態度令我燥底....

真係好對唔住....佢地令我發脾氣.....而你的多手多腳亦令我即係燥爆....

Ooh.....其實真係好小事......我真係太易扯火.....

最後買到件我都認為靚的衫比伯母.....好開心.....

當我唔開心時.....BB仲會扮我中意的兔斯基我睇....

令我爆笑......

我真係勁中意你呢個樣....扮得好似....哈哈~~~~

多謝BB你會咁花心機哄我.....

我就黎M到...所以好易扯火...對唔住

行左好耐.....到我地行落去朗豪坊食Moster sushi時....

我因為隻腳好累....個人好唔舒服而覺得你好唔細心.....

我態度應該差到爆....不過其實我用意係想話你知.....

而唔係責怪你ga.....但.....我太炆....所以表達得有問題

that 's why我話唔駛你say sorry....我真係唔係怪你唔細心

累累累.....累到爆....令我好痛苦.....個人呆下呆下.....

bb唔開心....我是知道的....但我真係冇咩力氣講野同埋比表情你...SORRY

其實我只係累到冇力....唔係唔開心

我進步左了....唔開心會講出黎....不過我覺得下次可以態度好返少少

令你唔好太難受....

終於等到有得食....食物好味....下次我地再食丫.....

今晚其實我好開心.....

因為第一次聽BB你主動話我知以前的感情問題

你話A小姐的野我知.....我終於明白點解你一直對佢都抱怨氣

我一直只係知道佢對你影響好大.....

例如同我拍拖都有「A小姐效應」出現.....

但都唔係好明點解...或者佢做D咩令你咁火滾....

今晚終於明....一直我只係覺得佢同你一齊有D問題...同第2個傾傾下就搭上左.....

冇諗過入面仲有D好賤的說話....

個D野我覺得真係好Hurt....

其實...我一直覺得你唔會好詳細講你d感情我聽....

或者有時你自己都懶得再諗....
好記得上次係宜家...你好大反應....為左a小姐話我....真係第一次
你對於人地話「抵佢離開你」呢d說話好敏感....
應該個段感情帶左比你好深刻而又唔想面對的錯敗......

不過.....

今晚我真係開心.....你咁主動同我分享....

或者巨蟹B真係有個殼係出面....慣左只係對自己信任ge人先流露心底話....

好開心bb卡入面話「唔想其他人比我更了解你」

我睇到呢句好感動!!!

我感覺到你為我付出好多....

你會記得我話你咩....然後好快做返好....

好似今晚後期.....你變得好細心....=]

THANKS MY LOVE!!!!