18.4.2010蘇姐姐生日

我好無聊地剪左個Dior錶面出黎托底.....



17號晚凌晨12:30...入得雪櫃啦!!!



18號早上11:30am.....^v^成功!!!!





姐姐生日.....我整左個cake送比佢.....

好開心能夠同姐姐慶祝生日....

不過一早收到消息就係....原來今晚姐姐係切唔到cake的.....

因為她會夜返.....OHOH.....我即刻好Down....

仲因為咁而同BB搞到唔開心.....

唔開心唔開心.....本黎話早少少過蘇家玩Wii....

但而家冇心情.....只好躲在床上做懶蟲......

之後就好似BB Blog打的那樣.....

________________________________________________________________



今晚返黎.....

BB已經打左好詳細的Blog....我勁開心



好的BB....你話我知預期的反應...再去Plan我呢邊的野....等我唔駛咁失望....

有時我都知你好難做的......左右為難....

有時我會好開心....好似而家諗返轉頭丫....

你為左你家人同埋我而好爭扎去唔去馬來西亞......

我好開心.....因為我同你家人同樣的重要....

你真係會盡量同我出席任何你能帶住我的活動.....

我好開心呀.....

雖然都會有d唔高興...因為會見你唔到嘛.....



我都好中意係你屋企....比你攬住...挨住....然後同你家人傾計的感覺....

哈哈....你係你家人面前都咁嗲我ge.....我好開心.....

世伯好勁咁解釋火山點爆比我聽...雖然我聽完都係一舊雲咁....

世伯同我玩IQ題....我一題都估唔到....BB好勁全中.....

傾左一陣.....我地轉移陣地落椰林閣食住傾.....今晚我想請...BB又話唔駛...

搞到伯母請我....有時真係唔係咁好意思呢.....

講真....真係好中意同你媽媽、爸爸傾計......



今晚我記住:

伯母唔中意去D睇古蹟的地方玩.....我諗佢中意Relax...嘆世界個d啦

世伯係一個好有學問ge人.....佢中意睇古蹟.....

伯母叫我第時有BB唔準食蟹....因為會令BB骨骼冇咁好...好似So 峰咁

姐姐著衫著L + 姐姐中意D實用ge野

伯母教我買榴槤，要青色的，文理清，夠飽滿，底部有香味



今晚我食唔哂我碟野.....伯母好好咁叫我食唔哂唔好食....好關心我....

世伯話我未食飯就飲左半杯檸水所以食唔哂

((冤枉呢.....我杯野亞so偷左黎飲...呢隻吸水豬豬一飲就半杯...))

不過我冇駁咀....笑笑口咁就算....=]

冇啦啦去超市買榴槤我都覺得怪怪地....不過好開心...因為有得食...hee

其實d榴槤伯母話唔係好熟....但世伯堅持買.....

點知....原來係專登為我買....真係多謝^v^ 太高興!!




Yeah....返去就開榴槤....世伯示範「強勢破榴槤」....好勁....

第一次同bb食榴槤....好開心呀...仲要一家人食...好warm....

世伯話「kayee,呢舊你ge;呢舊世伯ge」

哈哈.....我飲榴槤殼水時....BB提我要點飲...不過我飲到一地都係....

BB想話我....但世伯話「唔緊要唔緊要....飲啦」

真係「有Tim哥，冇坎坷!!世伯萬歲!」....因為世伯係度....BB唔敢點罵我....哈哈

世伯仲超勁地幫我整左個開水位....好開心...d水飲落好甜....唔知係咪你同你家人錫我...我由心甜出黎呢?

今日同BB一齊過左一個好WARM...好開心的晚上......

我愛BB!!