今日
已經係第三日.....
慣D未呢? 未....一世都唔會慣冇你係身邊...
今日下午同媽咪出左市中心行街+買送.....
行行下....見到D南北杏幾靚....我買左包打算比伯母煲湯你飲....
不過唔知伯母會唔會覺得我冇啦啦送野比佢....
我比較得意...行街見到岩用GE就會買....所以唔一定有咩節日先送野....
=]希望你媽媽會收啦....因為我想我BB多D飲湯呀....
我好耐冇同媽咪行街....可能媽咪今日又唔係咁舒服....個人呆下呆下咁...
佢買送仲要比個亞姐罵....激死我....我叫媽咪唔好幫襯個8婆....咁衰....
但媽咪又冇咩野咁講「是旦啦....最平係呢度」
你睇....人窮就最好收聲.....因為冇錢唔到你出聲
幾時先可以吐氣揚mei呢....補習又係咁....買野又係咁....做咩都係咁
((我勁多怨氣...不過怨完我就冇野^^))
我地行下傢俬店....因為想換傢俬.....
我又去買料整糯米茲....
然後幫BB係萬眾增值....好先進....我只要 講個號碼 + 俾錢 = 幫你入左錢
返到樓下.....我自己去左百街行下.....睇下有咩買....
點知....我見到有個約四十幾五十歲的男人...比差人捉住.....
個男人不停咁講「冇呀...亞SIR....真係冇.....」
一臉尷尬與惶恐
個差人手上拿住個背包.....
我諗....應該係偷野....
然後....不用3秒...我後面已圍左一堆師奶討論....
我聽到佢地講....個男人偷左支洗頭水....打算出去時比人捉左.....
我聽完....個心好UP....我覺得好慘......
但D師奶....even我返去同媽咪講....佢地都話「為咩呢...幾十蚊一支洗頭水搞到要坐監」
我覺得心up....我覺得個男人好慘....就係因為....有人窮到洗頭水ge錢都冇....
邊個唔知有錢ge要用錢買? 邊個想為左幾十蚊就要去冒險?
唉......我真係覺得窮人好慘....我甚至覺得個男人係好迫於無奈....
所以呢2日我執左d衫.....
睇下有咩方法捐給呢班比我更窮的人.....
返家同BB sms....好開心....我係HK都感受到你的開心....
能感受到你那邊的熱鬧.....
你買左野比我....HEE....
我好開心....因為你行街都記得我.....
我好開心....因為你D親戚個個都話我「蠻漂亮的」
我好開心....因為你sd左一個勁長勁關心我係HK的SMS
我好開心....因為你可以食到你中意食的沙爹...仲可以食唔停
((我覺得食到自己喜歡GE野係一件好幸福的事))
另外....我覺得你好好....從你返大陞返得幾開心(除左掛住我)....
可見你個人好隨和....唔會嫌棄太多....因為聽你講大陸D環境都係麻麻地.....
但你都ok....冇嫌d咩
知唔知點解我冇啦啦咁諗?
因為.....我鄉下係東莞....有很多親戚都係入面.....
如果你娶我的話....就一定要返去一次.....
我初初真係怕你應該會唔中意鄉下地方....
但.....原來你真係幾好....冇嫌棄....比你一百個Good呀^v^
跟住呢幾日我都係度諗.....星期2接你時可唔可以飛奔給你個抱抱呢....
我又驚你家人係度會話我咁痴纏.....
點知BB你SMS問我會唔會....哈哈~~~我想呀...可以嗎?
艾也....好多野講呀....因為呢D瑣碎事唔好哂你分鐘嘛.....
夜d食完飯我就整芒果糯米Chi.....
為左可以留多一兩日....比你返黎都試到....我就整一個改良版....
點知....改良左一後....d皮好似屎咁....好好笑....
整完之後其實幾好味...但個樣好似我....軟皮蛇咁....成件事...失敗左....
為左唔好係你家人面前獻醜....
為左唔好係你家人面前獻醜....
經過我2日ge考慮...呢次我都係唔拿比你試啦...
我過2日再整....整返傳統d個隻....唔好學人整「改良版」
沒有留言:
張貼留言