面對自己

或者老公覺得我好無聊
又或者老公擔心我係亂諗野
不過.....
唔係呀老公，我係好認真去面對緊自己....
一直我都唔知自己點解咁中意將自己同你EX比較
然後，人地冇得罪我
不過我一提起佢地就唔高興....
早幾日因為機緣巧合我睇到一篇講兒童妒嫉心理的文章....
當我睇完，我發覺自己正正就是文入面的心態....
我覺得我必須要克服....因為任由發展落去....
我會令我身邊人覺得我麻煩，更會影響我自己的人生

所以.....
今日難得無野做....
第一件事搵返A小姐個xanga出黎由頭到尾睇一次.....
好記得當初睇....我好討厭佢....睇完一片失落.....
然後迫自己唔好再睇....抑制自己想再睇的慾望.....
今日....我唔去抑制自己....任由自己由頭睇到落尾....
感覺....冇咁強烈....不過依然有一種叫妒嫉的感覺.....
終於.....搵到原因.....

一直.....我好介意人地點睇我
老公d朋友話我細個....
其實我會好自卑....我會係度諗....係咪我個age group比唔上你地.....
再加上好多80後的標籤.....我對自我評價更低.....
因為係我現時的生活入面....我搵唔到成功感.....我唔覺得自己有咩會好過人地
我想.....經濟獨立可以想買咩就買.....仲可以幫到老公
我想.....有屬於自己的一個家.....
我想.....結婚
我想.....扮到自己好靚.....
不過......目前我都做唔到呢d希望....因為所有都基於我仲係學生!
因此...對於學生呢個身份....我好討厭.....不過...我仲需要做多2年學生.....
所以....好難有成功感.....我只係覺得自己在等....等畢業....然後先可以實現自己想要的野
係我睇A小姐的過程中，我明白點解我妒忌佢.....
因為佢有哂我想要ge野.....
我睇佢覺得佢好好.....
實現到自己理想做空姐、有錢左買右買、不停扮靚、黎緊仲可以結婚
所以我覺得自己比唔上人地.....
有時諗諗下會覺得自己好似唔配做你女朋友.....覺得你肯要我....係萬幸
所以.....由此又影響到我好緊張你...好驚有第2個女仔會搶你.....((雖然理性知道唔會))
因為我總覺得自己冇咩競爭力......

其實我覺得呢個性格好差....成日同人做負面比較....令自己好失落....
不過好似唔到我控制咁.....
睇返d兒童心理學書.....
先知道原來呢個自卑心態係由兒童時期形成....
((就好似前幾晚我同你講咁))
當時無得到正確教育....小朋友大左...就會成日同人比較....從而產生妒嫉.....
我就係咁.....
其實....我覺得好灰....細個個成長環境令我出現左好多性格的問題....
包括呢個 極度敏感、自卑的性格.....
不過好彩ge係....
我仲有意識要去糾正自己.....

老公......
我希望你會給予我多d的支持.....
我冇亂諗野....亦唔係冇事搵野黎搞.....
我真心希望自己變返個正面的小朋友....多d自信......
你的支持....我覺得好重要......
要自己坦白哂心入面呢d弱點出黎....
對我黎講係好大的勇氣....